મતદારો તા.૨૩ અને ૨૪મી નવેમ્બરના રોજ નજીકના મતદાનમથક જઈને મતદારયાદીમાં નામ દાખલ, નામ કમી, ફોટો સહિતના સુધારા વધારા કરી શકાશે
ભારતના ચૂંટણી પંચ દ્વારા તા.૦૧/૦૧/૨૦૨૫ની લાયકાતની તારીખના સંદર્ભમાં ફોટાવાળી મતદારયાદીની ખાસ સંક્ષિપ્ત સુધારણા કાર્યક્રમ તા.૨૮/૧૧/૨૦૨૪ સુધી હક્ક-દાવા અને વાંધા અરજીઓ રજૂ કરવા તથા તા.૨૩ અને ૨૪ નવેમ્બર, ૨૦૨૪ના દિવસે ખાસ ઝુંબેશના રૂપમાં ઉજવણી કરવામાં આવનાર છે.
મતદારયાદીમાં નામ દાખલ કરવા, પ્રવર્તમાન મતદારયાદી માંથી નામ કમી કરવા ફોટો-વિગતોમાં સુધારો કરવા, એક જ વિધાનસભા મતવિભાગ હેઠળ સ્થળ ફેરફાર માટે નિયત નમૂનામાં અરજી કરવાના કામે સદર ખાસ ઝુંબેશના અંતિમ બે દિવસો ૨૩ અને ૨૪ નવેમ્બર, ૨૦૨૪ના રોજ આપના નજીકના મતદાન મથકોની અવશ્ય પણે મુલાકાત લેવી. જયા બી.એલ.ઓ હાજર રહી ફોર્મ સ્વીકારશે. ઉપરાંત www.voterportal.eci.gov.in તથા www.voter.eci.gov.in અને Voter Helpline Mobile App પર જઈને ઓનલાઈન ફોર્મ પણ ભરી શક્શે એમ સુરતના અધિક જિલ્લા ચૂંટણી અધિકારીની યાદીમાં જણાવાયું છે.
