મહુવાના 11 ગામના 12 વોર્ડમાં કોઈએ ઉમેદવારી જ નોંધાવી નહિ.તાલુકાની 8 ગ્રામ પંચાયતમાં સરપંચ અને વોર્ડની ચૂંટણી યોજાશે.
પ્રાપ્ત વિગત મુજબ મહુવા તાલુકામાં ચૂંટણી કાર્યક્રમ જાહેર થતા જ રાજકીય ચહલપહલ શરૂ થઈ ગઈ હતી. મહુવા તાલુકાની 8 ગામની સરપંચ અને વોર્ડની ચૂંટણી યોજાનાર છે જાહેરનામું બહાર પડતા જ ગામ આગેવાનો દ્વારા ગામમાં ચૂંટણી ન યોજાય અને ગામ સમરસ થાય તે માટે પ્રયત્ન હાથ ધર્યા હતા પરંતુ એક પણ ગામ સમરસ થયુ ન હતુ.જેને લઈ મહુવા તાલુકાના પથરોણ, તરસાડી, કાની, જોળ, મુડત, અંધાત્રી, ધામખડી અને માછીસાદડા ગામની સરપંચ અને વોર્ડના સભ્યોની ચૂંટણી યોજાનાર છે.આ ઉપરાંત મહુવા તાલુકાના ભોરીયા ગામે વોર્ડ નંબર -1 ની અને વલવાડા ગામના સરપંચની પેટા ચૂંટણી યોજાનાર છે.વલવાડા ગામમાં હાલ સરપંચની ચૂંટણીને લઈ ભારે રાજકીય ગરમાટો જોવા મળી રહ્યો છે.
આ ઉપરાંત મહુવા તાલુકાના અમરોલી ગામનો વોર્ડ નંબર-6,અનાવલ ગામનો વોર્ડ નંબર-1 અને 2,કરચેલીયા ગામનો વોર્ડ નંબર-6,આમચક ગામનો વોર્ડ નંબર-7 અને સાંબા ગામનો વોર્ડ નંબર-6 ગ્રામજનોની સૂઝબૂઝને લઈ બિનહરીફ જાહેર થયો હતો.
બોક્સ :—————–
મહુવા તાલુકાના 11 ગામના 12 વોર્ડની પેટા ચૂંટણીમાં કોઈએ ઉમેદવારી નોંધાવી ન હતી.જેમાં આંગલધરા -1ની વોર્ડ નંબર -3,વડીયા વોર્ડ નંબર- 4 અને 6,બામણિયા-2 વોર્ડ નંબર-8,કાંકરિયા વોર્ડ નંબર-1,ઘડોઈ-1 વોર્ડ નંબર-1,નિહાલી વોર્ડ નંબર-5,બીલખડી-2 વોર્ડ નંબર-8,તરકાણી-2 વોર્ડ નંબર-5,મહુવરીયા-5 વોર્ડ નંબર-10,વાંક-2 વોર્ડ નંબર-6 અને ધોળીકુઈ વોર્ડ નંબર-4ની પેટા ચુંટણીમાં કોઈ ઉમેદવારે ઉમેદવારી નોંધાવી ન હતી જેને લઈ આ વોર્ડ ખાલી જ રેહશે.
