બારડોલીના ધારાસભ્ય ઈશ્વરભાઈ પરમાર બારડોલીની શાળાઓમાં વિદ્યાર્થીઓને પ્રવેશ અપાવશેઃ
ત્રણ દિવસ દરમિયાન સમગ્ર બારડોલી તાલુકામાં ૫૬૬૩ વિદ્યાર્થીઓ પ્રવેશ મેળવશેઃ
શાળા પ્રવેશોત્સવ-કન્યા કેળવણી મહોત્સવના પ્રથમ દિન બારડોલીના ધારાસભ્ય ઈશ્વરભાઈ પરમાર તા.૨૬/૦૬/૨૦૨૩ના રોજ સવારે ૦૮:૦૦ વાગે બારડોલી તાલુકાની ઉમરખ પ્રાથમિક શાળામાં પ્રવેશ અપાવશે. ત્યારબાદ સવારે ૧૦:૦૦ વાગે ખરવાસા પ્રાથમિક શાળા અને ત્યારબાદ ૧૨:૦૦ વાગે એકલવ્ય મોડલ રેસી. સ્કૂલ ખાતે વિદ્યાર્થીઓને પ્રવેશ અપાવશે.
સમગ્ર બારડોલી તાલુકામાં ત્રણ દિવસ દરમિયાન પદાધિકારી-અધિકારીઓના હસ્તે બાલવાટિકામાં ૧૨૯૯ બાળકો, આંગણવાડીમાં ૨૧૯ અને ધોરણ – ૧માં ૧૭૦ બાળકો જ્યારે ધોરણ – ૯માં ૨૫૧૧ વિદ્યાર્થીઓ અને ધોરણ – ૧૧માં ૧૪૬૪ વિદ્યાર્થીઓ મળી કુલ ૫૬૬૩ વિદ્યાર્થીઓને પ્રવેશ આપવામાં આવશે.
