આંતરરાષ્ટ્રીય યોગ દિન ની ઉજવણીના ભાગરૂપે ગાયત્રી મંદિર ઓલપાડ ખાતે યોગ શિબિર નું આયોજન કરાયું.
આયોગ શિબિરમાં મહિલાઓએ ઉત્સાહપૂર્વક ભાગ લીધો હતો.
નેહરુ યુવા કેન્દ્ર સુરત(યુવા કાર્યક્રમ અને રમતગમત મંત્રાલય ભારત સરકાર) અને વહીવટી વિભાગ ઓલપાડ ના સંયુક્ત ઉપક્રમે ગાયત્રી મંદિર ઓલપાડ ગામ ખાતે ૧૦ માં આંતરરાષ્ટ્રીય યોગ દિવસના ભાગરૂપે યોગ શિબિરનું આયોજન કરવામાં આવ્યું હતું જેમાં ગામના સરપંચ શ્રી,તલાટી ,આશા વર્કર ,આંગણવાડીની બહેનો, હેલ્થ વર્કર, સફાઈ કર્મચારી,નેહરુ યુવા કેન્દ્રના વોલેન્ટિયર અને ગામ લોકો હાજર રહ્યા હતા.આ યોગ તાલીમના કોચ તરીકે ભાવનાબેન રાણા હાજર રહી લોકોને યોગનું મહત્વ સમજાવ્યું હતું અને લોકોને અપીલ કરવામાં આવી હતી કે તેઓ યોગને પોતાના જીવનમાં ઉતારી સ્વસ્થ રહે. આ યોગ શિબિરમાં યોગ પ્રેમીઓ જોડાયા હતા.
