બાજીપુરા-મઢી-તરસાડા-માંડવી રોડ રાજય ધોરીમાર્ગ નં.-૫ પર થતાં ટ્રાફિકને ડાયવર્ટ કરતું જિલ્લા મેજીસ્ટ્રેટનું જાહેરનામું
રાજય ધોરીમાર્ગ નં.-૫ (બાજીપુરા-મઢી-તરસાડા-માંડવી રોડ) પરના મઢી ખાતેના ઉધના-જલગાંવ રેલ્વે લેવલ ક્રોસીંગ (એલ.સી.નં.૩૭) ઉપર રેલ્વે ઓવર બ્રીજના બાંધકામને કારણે થતા ટ્રાફિકનું વ્યવસ્થિત રીતે નિયમન થઈ શકે એ હેતુથી અધિક જિલ્લા મેજિસ્ટ્રેટશ્રી વિજય રબારી દ્વારા એક જાહેરનામું બહાર પાડવામાં આવ્યું છે. જે અન્વયે બાજીપુરા-મઢી-તરસાડા-માંડવી રોડ રાજય ધોરીમાર્ગ નં.-૫ પર થતાં ટ્રાફિક માટે વૈકલ્પિક માર્ગો તરીકે હલકા તથા ભારે વાહનો માટે બાજીપુરાથી મોડવી જવા તથા પરત આવવા મઢીથી માંડવી એલ.સી.નં.૩૬(ફાટક) થી નાની-ભટલાવ-ભેસુદલા-વાંસકુઈ ચોકડી ઉપર ઈ.એસ.એચ.નં.પ રોડ તરફ જઈ શકશે તેમ જણાવાયું છે. જેનો અમલ તા. ૩૧/૧૨/૨૦૨૪ સુધી કરવામાં આવશે. આ હુકમનો ભંગ કરનાર શિક્ષાને પાત્ર થશે.
