“બ્લોક ઓરા કંપની”માં રોકાણના નામે છેતરપીડીનો ભોગ બનેલા લોકોએ પોલીસ કમિશનર કચેરીના ઈકો સેલનો સંપર્ક સાધવા અનુરોધ.
ડી.સી.બી. પો.સ્ટે.માં ધ પ્રાઈઝ ચીટ એન્ડ મની સરક્યુલેશન સ્કીમ એકટ ૧૯૭૮ની કલમ ૪,૫, ૬ મુજબનો તા.૨૯/૦૯/૨૦૨૪ના રોજ ગુનો દાખલ થયો છે. જેની તપાસ ચાલી રહી છે. આ ગુનામાં આરોપીઓ દુબઈ ખાતે રહેતા “બ્લોક ઓરા કંપની”ના માલીક ફિરોઝ દીલાવરભાઈ મુલતાની અને સુરત ખાતેના એજન્ટ તરીકે કામ કરતા નીતીનભાઈ જગત્યાની, કાસીફ આરીફભાઈ મુલતાની, એઝાઝ આરીફભાઈ મુલતાની, જાવીદ પીરૂભાઇ મુલતાની છે. ફરીયાદીએ તા.૧૫/૦૫/૨૦૨૨ના રોજથી ફરીયાદી અને ભોગ બનનાર સાહેદ વસીમ અને સરફરાજ પાસેથી તેઓની “બ્લોક ઓરા કંપની” ના “બ્લોક ઓરા કોઈન”ના નામથી રોકાણ કરાવી જેમાં રોજનું એક ટકા મુજબનું વળતર મળશે તેમ જણાવી ૨૦ ડોલર (યુએસડીટી) થી લઇ ૫૦૦૦ ડોલર (યુએસડીટી) વાળી અલગ અલગ સ્કીમમાં રોકાણ કરાવી “બ્લોક ઓરા કંપની” ની DEFIALIOના નામથી www.blockaura.com વેબસાઇડમાં આઇડીઓ જનરેટ કરી www.coinmarketcap.com ના એક્સચેન્જ ઉપર કોઇન આવી ગયેલા હોવાનું જણાવ્યું હતું. વધુ ને વધુ રોકાણ કરાવી જે એક્સચેન્જ ઉપર કોઈન હોવાનું જણાવીને કોઇ એક્સચેન્જ “બ્લોક ઓરા કોઈન” ન હોઇ ખોટી રીતે એક્સચેન્જ ઉપર બતાવી રોકાણ કરાવી ૧૩ જેટલી આઇડીઓ જનરેટ કરાવી કુલ રૂ.૫૧,૦૦,૦૦૦ મેળવી લઇ “બ્લોક ઓરા કંપનીની DEFIATIOના નામથી તથા www.blockamra.com વેબસાઇડ બંધ કરી એકબીજાની મદદગારી કરી નાસી જઈ ગુનો કર્યો છે.
જેથી આ કંપનીઓમાં રોકાણ કરી ભોગ બનનાર લોકોએ તેમની સાથે જે છેતરપીંડીં થઇ હોય તો માહિતી સાથે નિવેદન માટે ઇકો સેલ પોલીસ કમિશ્નર કચેરી અઠવાલાઈન્સ સુરત ખાત સંપર્ક કરવા પોલીસ ઇન્સ્પેક્ટર આર્થિક ગુના નિવારણ શાખા ક્રાઇમ બ્રાન્ચ સુરત શહેરની યાદીમાં જણાવવાયું છે.
